A peatonalización do casco vello

Dentro da serie de reportaxes que o diario La Voz adica iste verán aos cascos vellos das cidades e pobos de Galicia, tocoulle hoxe ao Castro. “Apretados en la Galicia interior” é o títular de iste interesante reportaxe que fai un repaso a temas como a conservación do patrimonio, o tratamento que se lle da e o tema da peatonalización, un tema importante dentro da complexidade de medidas necesarias e unha das reivindicacions que levamos plantexando hai dous anos desde a Asociación.

Resulta curioso comprobar como tamén desde fora, un periodista que coñece en porfundidade o tema complexo do tratamento dos cascos urbans, ten a visión do Castro como un pobo “apretado”, cheo de obstáculos e “parasitado” polos coches. Xa non soio é unha teima nosa. A nota positiva é que algo se está a mover, a sensibilidade a mudar. A proba son as obras de empedrado e a creación da oficiña de Rehabilitación. Tal i como plantexa a Voz, queda moito por facer, temos un reto importante por diante. E tamén é importante saber que vamos todos no mesmo barco e que é entre todos como conseguiremos sair con éxito. O futuro depende en boa parte do que sexamos capaces de facer hoxe.