O Prado

Mil primaveras máis para o galego.

2009-10-18T17:34:00.000+02:00

Hoxe manifestación en Santiago contra as agresións do P.P. ao galego

"Tengo 73 años y llevo toda la vida viviendo en La Coruña. Pues mira, cuando yo era niña, hablaba en gallego, como todos los del barrio, pero cuando fuí a la escuela, me lo sacaron a base de castigos y sopapos. Pero claro, ahora que hablamos castellano, pues a La Coruña le llamamos así, La Coruña, en castellano; y si le llamamos así, por qué nos quieren meter ahora A Coruña?, pues porque nos quieren meter el gallego..."

"Los Tristes", artigo de Suso de Toro en El País.

Suso de Toro reflexiona sobre o verdugo (Núñez Feijoo) da lingua galega. Autoodio..?, pode ser que a cousa vaia por aí. Chinny, a súa moza, fai uns anos, interumpiuno cando falaba de Os Peares e dixolle, e esto non é conto... " pero tú que dices, de que presumes, si tu no eres nada, tu familia no es nadie..." Nuñez calou, e o seu silencio foi a súa réplica. O mociño dos peares quere ser alguén, pensa que co galego non se vai a ningures e hai un capital político nos que pensan igual. Dende o outro lado do mostrador da tenda de ultramarinos do seu pai, dende cativo, viu que o que era alguén falaba castelán, logo a súa pijoxornalistafilipina acabou de tocarlle onde lle doe, e desto non fai moito.

Agradecimento as adegas da Terra de Caldelas

2009-08-24T21:26:00.008+02:00

Igual que o ano pasado A asociación de adegueiros da Ribeira Sacra ourensá cedeu gratuitamente o viño co que agasallamos a todos os que se achegaron ó mosteiro de San Paio, para escoitar a Uxía e Fred Martíns. A Asociación Amigos de Caldelas quere agradecer as adegas que forman parte desta asociación a súa xenerosidade e felicitar a Jorge Feijoo, presidente, polos éxitos acadados na II mostra de viños, que se celebrou no espacio físico do que toma o nome o noso blog.

Cartel: Carlos Costoya.

Hoxe e mañá, Pontelouco

2009-08-21T18:36:00.000+02:00

Hoxe e mañán a asociación "O Irrio" pon en marcha como outros anos o festival "Pontelouco". Música, contacontos, máxia, cine e artesanía durante dous días. Os nosos mellores desexos.

Por segundo ano, dúas noites de música

2009-08-16T15:35:00.006+02:00

O xoves pasado, en San Paio, Uxía con Sergio Tannus, Sergio Salles e Paolo. O mosteiro iluminado nunha noite de calor como é difícil recordar outra. Alguén dixo que ao lonxe parecía que había lume en San Paio. E sí, lume había: enerxía positiva, talento desbordante. Un ceo estrelado e cinco estrelas no esceario. Cinco con Fred, que os acompañou cando interpretaron dous dos seus temas. Un deles, “Tempo afora”, é o preferido de Antón, que pide escoitalo continuamente. Uxía, estivo grandiosa, coa súa voz tan rica, tan chea de rexistros. Está igual de magnífica nos seus temas de sempre que borda un tango ou versiona o clásico “Volare”. Dice Fred que Uxía “valoriza todo o que canta”. É a grande dama da música galega. Sen dúbida unha artista de tanta categoría como calquera das cantantes que triunfan na escea internacional. En San Paio, a nós, fixonos disfrutar, estremecer, soñar, sorrir, chorar de emoción. O público en silencio reverencial, sobre todo cando cantou a capela “Teño unha casiña branca”. Ela soia sobre o escenario. Magnífica Uxía. O espectáculo que nos ofreceu, “A travesía da saudade”, funde a tradición da música galega coa cadencia da música brasileira. Magníficos músicos: Sergio Tannus, Sergio Salles e Paolo. Prodixiosa mestizaxe. E cando tocaron dous temas de “choro”, despregaron toda a súa arte. E entre o público a mesma emoción. Moitos aplausos.
O día anterior tivéramos a inmensa sorte de poder escoitar a Fred Martins neste mesmo esceario, acompañado por Sergio Tannus e os músicos galegos Isaac Palacín e Álvaro Iglesias. Desde o principio ata ao último bis, esa foi tamén unha noite máxica, perfecta, emocionante.

E todo iso, esta segunda edición de Dúas noites, foi posible grazas ao impulso e a ilusión de moitas persoas. Grazas ao fantástico traballo e a entrega de Dani Juncal na iluminación e posta en escea. Dani conseguiu a maxia de facer que algúns pensaran que o mosteiro contaba xa con partes rehabilitadas de tanto que lucía. E Carlos Blanco, o noso “padriño”, que nos quixo acompañar e presentar os espectáculos. Tanta xenerosidade, tantas cousas impagables que se fan por compromiso coa cultura do noso país, por ilusión e amizade. Foi un luxo increíble poder telos a todos con nós, pasar dúas noites e dous días inesquecibles, e poder compartir todo eso co público. Esa é a maxia do arte verdadeiro, a capacidade de crear mundos.
Algo que foi posible tamén grazas á profesionalidade dos técnicos de RTA que traballaron como leóns para preparar a montaxe dos concertos nunha tarde de intenso calor, co sol mallando sobre o mosteiro. Grazas ao apoio do concello de Castro Caldelas, que nos axudou a organizar os espectáculos este ano no que non tivemos ningunha axuda económica das institucions. O seu respaldo e colaboración foi moi importante. Como importante é tamén a colaboración da asociación de adegueiros da Ribeira Sacra Ourensá, a través do seu presidente, Jorge Feijoo, que por segundo ano aportou o viño que se serviu ao final dos concertos. Sempre pensamos que na Ribeira Sacra o viño tiña que ter un protagonismo especial. Todos os que puxemos en marcha Dúas noites, traballando sempre en equipo e aportando cada un a súa ilusión e o seu traballo, Ruth, Carlos, Charo e Bautista, estamos moi agradecidos a todos aqueles que nos axudaron e ao público tan marabilloso que acudiu á cita.

Foto: Carlos Campos

Samba galega, onte en Santiago

2009-08-11T10:50:00.000+02:00

O camiño que leva a Fred Martins

2009-08-10T17:21:00.002+02:00

Fred Martins, mércores, día 12, ás 22,30h.

Guanabara, o último disco de Fred Martins

2009-08-08T09:15:00.005+02:00

Fred Martins tocará o mércores en dúas noites cancións do seu último disco Guanabara.

Faltan catro noites para o noso festival

2009-08-08T07:26:00.007+02:00

Faltan 5 noites

2009-08-07T22:45:00.001+02:00

O tempo para o mércores e o xoves

2009-08-07T00:01:00.002+02:00

dúas noites apuntase a facebook

2009-08-06T11:48:00.002+02:00

Dúas noites está en Facebook, para os que vos queirades unir ao grupo e compartir información. Animádevos! Qué gusto ver caras amigas!

Terra de viño, Carlos Blanco, o ano pasado

2009-08-05T11:14:00.002+02:00

O ano pasado Carlos Blanco aproveitou para falar do viño.

Máis amigos, o país de nuncamáis

2009-08-05T00:48:00.004+02:00

Agradecemos a Lucía o seu apoio, a través do seu blog, "o país de nuncamáis".

Faltan 8 noites

2009-08-04T11:10:00.005+02:00

Faltan 9 noites para Frend Martins

2009-08-03T09:46:00.004+02:00

Fred Martins, día 12 de agosto, ás 22,30h.
Uxía, día 13 de agosto, ás 22,30h.

Eladio Osorio, dous anos colaborando

2009-08-02T14:59:00.004+02:00

Fred Martins / día 12 de agosto, ás 22,30
Uxía / 13 de agosto, ás 22,30

Nota de prensa de Dúas noites

2009-08-02T09:12:00.003+02:00

Os días 12 e 13 de agosto, no mosteiro de San Paio, na Ribeira Sacra, en Castro Caldelas, Dúas noites estará adicado á música do Atlántico lusófono. O festival presentará un concerto do compositor brasileiro Fred Martins e o espectáculo “A travesía da saudade”, dirixido por Uxía.

O festival, organizado pola asociación de amigos de caldelas, acollerá o mércores 12 de agosto a actuación do cantautor brasileiro Fred Martins, que estará acompañado polos músicos Sérgio Tannus, (Guitarras, cavaquiño e mandolina), Isaac Palacín (batería) e Álvaro Iglesias (Contrabaixo). Fred Martins, premiado compositor e representante da Música Popular Brasileira, acaba de editar o seu cuarto álbum, “Guanabara”, e esta é a primeira xira que realiza pola Península.

O xoves 13 de agosto, Dúas noites de música acollerá o espectáculo dirixido por Uxía

"A TRAVESÍA DA SAUDADE”, un percorrido polas músicas de Galiza, Brasil, Portugal e Cabo Verde. Os músicos Sérgio Tannus (guitarras, cavaquinho e mandolina) e Sérgio Salles (teclados) acompañarán a Uxía nun espectáculo no que sopra a brisa da grande música do Atlántico lusófono, do alalá ao fado, da morna à música tradicional azoriana.

Na súa primeira edición, o pasado verán, Dúas noites estivo adicado á narración oral, coas actuación de Carlos Blanco e Quico Cadaval.

O mosteiro de San Paio, en Santa Tegra, Castro Caldelas, espazo que acolle o festival, é unha das xoias do románico da Ribeira Sacra. Con esta proposta, a asociación Amigos de Caldelas quere sumarse á oferta cultural para o verán en Caldelas e contribuir a poñer en valor un espazo diferente do rico patrimonio da Ribeira Sacra.

PROGRAMA DUAS NOITES DE MÚSICA

Mosteiro de San Paio, Santa Tegra, Castro Caldelas, Ribeira Sacra.

12 de agosto

FRED MARTINS

Fred Martins trae a Galiza o seu cuarto álbum, “Guanabara”, que o consolida como un dos máis brillantes cantautores brasileiros da súa xeración. Ésta é a primeira xira realizada na Península por este artista recoñecido internacionalmente.

Influenciado tanto polo folk anglosaxón como polos clásicos da música popular brasileira, a súa sensibilidade e versatilidade lévanno con igual naturalidade ao pop maino como á samba intimista, sempre apoiado na expresividade e orixinalidade das letras do poeta Marcelo Diniz Martins, o seu principal parceiro até o de agora, e do tamén poeta Francisco Bosco.

As súas composicións son interpretadas por destacadas voces da Música Popular Brasileira (Ney Matogrosso, Zélia Duncan, Maria Rita, Eliana Printes, Carol Saboya, Dalila Couti, Clara Becker, Elisa Queirós,...)

FRED MARTINS (Voz, guitarra)

SÉRGIO TANNUS (Guitarra)

ISAAC PALACÍN (Batería)

ÁLVARO IGLESIAS (Contrabaixo)

13 de agosto,

A TRAVESÍA DA SAUDADE

Espectáculo dirixido por Uxía, con Sérgio Tannus (guitarra, cavaquinho e mandolina). Sérgio Salles (teclados) , e UXÍA (voz).

Unha corrente de música percorre o Atlántico: parte das brumas da Costa da Morte galega, baixa polas praias e falésias portuguesas, atravesa Cabo Verde, absorbe o calor do Golfo da Guiné e corre cos ventos que van rumbo ao Brasil. O nome dessa corrente é A TRAVESÍA DA SAUDADE, un espectáculo no que se mostran os frutos creativos desta comunión musical.

Do alalá ao fado, da morna à música tradicional azoriana, um concerto onde sopra a brisa da grande música do Atlántico lusófono.

UXÍA. Voz

SÉRGIO TANNUS (Guitarra, cavaquiño, mandolina)

SÉRGIO SALLES (teclados e melodía)

Hora:10:30h.

Venda anticipada de entradas a través de Caixa Galicia (9€)

E media hora antes de cada función, no propio mosteiro (12€).

Aforo limitado.

amigosdecaldelas@gmail.com

Facendo amigos, Logio

2009-08-02T08:13:00.003+02:00

Entrada de Logio falando de "dúas noites"

Faltan 12 noites

2009-08-01T16:16:00.002+02:00

Faltan 12 noites para que volte a luz ao mosteiro de san paio.

Nada se consigue sen loitar. A vila gaña

2009-07-31T15:31:00.001+02:00

Nunca hai mal que por ben non veña. Os cartos do Plan España -recursos que o goberno de Zapatero adica a remontar a crisis planetaria- serviron para que o concello do Castro pudera por fin acometer o proxecto de ordenación da praza do Prado. Un proxecto tan desexado e reivindicado tanto desde este blog como desde o blog da Asociación de Amigos de Caldelas, O Prado.

Coas obras que fixo o Concello, o pobo gañou un espazo sen coches nin perigos para estar, un lugar de encontro nun espazo ordeado e de calidade. E os negocios gañan moito, tamén unhas terrazas fantásticas, onde será moito mais agradable atoparse. Con este paso adiante o Castro sitúase na liña dos concellos progresistas que loitan por un uso diferente dos espacios públicos. Parabéns.

Xa estamos na praza de O prado.

2009-07-31T14:26:00.004+02:00

www.duasnoites.com

2009-07-30T10:26:00.000+02:00

Faltan 14 noites

2009-07-30T10:11:00.003+02:00

Fred Martins, día 12 de agosto, ás 22,30h.
Uxía, día 13 de agosto, ás 22,30h.

Prezo: 9€ / caixa galicia
12€ / media hora, antes dos espectáculos
CA AXUDA DE TODOS "DUAS NOITES" PODE CONSOLIDARSE.

Foto: Campos

Páxina de "Amigos del románico"

2009-07-29T20:11:00.003+02:00

A páxina de amigos do románico faise eco de dúas noites de música. Grazas pola vosa colaboración nesta iniciativa que necesita de moitos amigos para poder seguir promovendo actividades na nosa bisbarra.

xa están a venda as entradas de "dúas noites"

2009-07-25T12:29:00.007+02:00

Fred Martins / día 12 de agosto, ás 22,30
Uxía / 13 de agosto, ás 22,30

Xa se poden mercar as entradas de "dúas noites de música", a través de Caixa Galicia con un prezo de 9€. Si se espera a mercalas na taquilla o prezo é de 12€. Ainda que temos que pagar a comisión pola venda a través deste servizo, a venda anticipada, danos certo marxen para poder organizarnos e prever a asistencia. Van a ser dúas noites moi fermosas, nas que esperamos contar con todos os amigos do ano pasado e facer novos amigos desta iniciativa que queremos que se vai consolidando co voso apoio.

Dúas noites volta con Uxía e Fred Martins

2009-07-05T18:38:00.009+02:00

Fred Martins / día 12 de agosto, ás 22,30
Uxía / 13 de agosto, ás 22,30

Os amigos de caldelas estamos a traballar na organización de unha nova edición de Dúas noites no mosteiro de San Paio. Este ano estarán adicadas á música, con Uxía Senlle e mais un cantautor brasileiro, Fred Martins. A cita será os días 12 (Fred) e 13 (Uxía) de agosto. Agardamos que veñades todos os amigos do ano pasado mais os que non puderon vir.

Uxía presentará o espectáculo, “A travesía da saudade”, que ela dirixe e que ata o de agora soio presentou en Madrid. Este espectáculo é un percorrido polas músicas de Galicia, Brasil, Portugal, e Cabo Verde. Estará acompañada polos músicos Sérgio Tannus (guitarra, cavaquinho e voz), Sergio Salles (teclados) e Paulo Silva (percusión).

Fred Martins é un novo e premiado compositor brasileiro, representante da Música Popular Brasileira, e esta é a súa primeira xira pola península. Martins acaba de lanzar o seu cuarto álbum, Guanabara.

Estamos a traballar e pronto as entradas estarán á venda a través de Caixa Galicia, como o ano pasado.

Vistas ao vertedoiro

2009-04-19T13:40:00.003+02:00

Que pensarán os que nos visitan?
Que os vertedoiros son as mellores vistas do pobo?
Que non nos gusta ocultar o noso lixo e por iso pómolo onde máis se ve?
Que por cada obra ben feita fanse dúas barbaridades?
Que pensarán os que nos gobernan ? ....
Esta é unha vista desde o castelo, o lugar máis visitado da vila.
Carlos Vázquez

Duas noites de contos na revista Ribeira Sacra.

2008-09-27T01:10:00.001+02:00

mensaxe desde o país das maravillas

2008-09-02T21:50:00.004+02:00

Entre as diferentes reaccions que ainda nos chegan sobre o programa Dúas noites de contos, queremos salientar unha preciosa e sensible entrada no blog "Galicia en el País de las Maravillas", que agradecemos moito e da que reproducimos aquí un estracto.

"Por fín un evento de calidad entre los muros de San PAIO. Un Monasterio que se ha ido deteriorando por el paso del tiempo y por el paso del ser humano....en el que la desesperanza asomaba, día tras día, entre sus piedras...que estaba pidiendo a gritos atenciòn...
Unos lo fotografiaban, otros lo pintaban, otros lo contábamos...pero por fín, alguien ha apostado por él, por su entorno, por poner en valor, otra vez, su propia valía...
Esa noche, la de Quico Cadaval, yo estaba allí...fué tan emocionante verle iluminado, con esa discreción con la que se iluminan los espacios envejecidos...sin vergüenza, con dignidad, con elegancia, con cariño, con respeto, con trabajo en fín.
Escuché a Quico sí pero también escuché el espíritu agradecido de San Paio.
Enhorabuena a los que se preocuparon por organizar este evento..."

A peatonalización do casco vello

2008-08-31T13:47:00.005+02:00

Dentro da serie de reportaxes que o diario La Voz adica iste verán aos cascos vellos das cidades e pobos de Galicia, tocoulle hoxe ao Castro. “Apretados en la Galicia interior” é o títular de iste interesante reportaxe que fai un repaso a temas como a conservación do patrimonio, o tratamento que se lle da e o tema da peatonalización, un tema importante dentro da complexidade de medidas necesarias e unha das reivindicacions que levamos plantexando hai dous anos desde a Asociación.

Resulta curioso comprobar como tamén desde fora, un periodista que coñece en porfundidade o tema complexo do tratamento dos cascos urbans, ten a visión do Castro como un pobo “apretado”, cheo de obstáculos e “parasitado” polos coches. Xa non soio é unha teima nosa. A nota positiva é que algo se está a mover, a sensibilidade a mudar. A proba son as obras de empedrado e a creación da oficiña de Rehabilitación. Tal i como plantexa a Voz, queda moito por facer, temos un reto importante por diante. E tamén é importante saber que vamos todos no mesmo barco e que é entre todos como conseguiremos sair con éxito. O futuro depende en boa parte do que sexamos capaces de facer hoxe.

Promocionando Caldelas

2008-08-06T21:27:00.004+02:00

Carlos Blanco prolongou a súa estancia no Castro para escoitar a Quico Cadaval. O sábado, cando acordaron marchar, o seu coche quedara na praza inmobilizado polos camions e os postos de froita, e que non puderon sair ata as 15h. Así que proveitamos para tomar o pulpo e falarlle do festival Ponte Louco, que esa noite se celebraba, e regalarlles unhas camisetas. Tamén probaron as bicas e, por suposto, os viños da Ribeira Sacra. Foto: Pontelouco

Os Amigos de Caldelas

2008-08-05T00:27:00.004+02:00

Perdoade o retraso en dar novas. Ainda hoxe, luns, seguimos a resolver temas propios da organización dos espectáculos pero non queremos deixar pasar mais tempo sen dar as grazas ao público que asistiu, en total case 500 persoas nas dúas noites. Había un ambiente magnífico, relaxado e con moitas ganas de disfrutar do espectáculo e da maxia do mosteiro de San Paio. Agradecemos moito a magnífica acollida do público. Confiamos en que todos disfrutaran e sepan perdoar os fallos que se produxeron o primeiro día. A chuvia que caiu ata ben entrada a tarde puxo as cousas difíciles.

Queremos agradecer ao concello de Castro Caldelas o seu apoio e colaboración. Desde o momento que lle propuxemos a idea o alcalde, Eladio Osorio, e a concelleira de cultura, Inés Vega, estiveron moi receptivos e axudaron en todo o que foi necesario. Tamén queremos agradecer a José Luis Táboas que acollera a nosa proposta e nos abrira con tanta xenerosidade as portas do mosteiro. Para esta primeira edición, ademais de contar coa colaboración do concello de Castro Caldelas, contamos co apoio da consellería de cultura e deporte da Xunta de Galicia e da OBRA SOCIAL CAIXAGALICIA. Agradecemos tamén o seu poio ao delegado de Cultura en Ourense, Xosé Carlos Sierra, que nos animou cando lle presentamos o proxecto.
Tamén queremos agradecer á “organización segreda” , que mencionou Quico na súa presentación, imprescindible para que todo funcionara. Ahí están Carles Tarsà, que nos cedeu a foto para os carteis e o folleto, Carlos Sabín, que nos prestou as pacas para delimitar os espazos do mosteiro, Pepita e mais Pepe, que fixeron xestions sen fin, Verónica, que percorreu moitos kilómetros pegando carteis, a José Luis do Milucho, que gravou a actuación de Quico Cadaval, A Dori Vázquez, que axudou na taquilla, a Ana Sotelo que nos axudou a atopar as cadeiras, a Juan, Puri e Richard, que axudaron na montaxe e desmontaxe, a Antón, que traballou duro colocando cadeiras, a María, que nos trouxo a Quico en coche desde Lugo e fixo que o ánimo se mantivera alto, a Fabiola que nos cedeu a súa casa para acoller aos convidados, á Asociación de adegueiros da Ribeira Sacra Ourensá e ao seu presidente, Jorge Feixó, que ofreceron o viño que se serviu as dúas noites, a Dani Juncal, que diseñou a preciosa montaxe así como a Breixo e Miguel, os técnicos de iluminación e son que fixeron posible converter o adro de un mosteiro no medio das viñas nun lugar para o teatro, tamén á brigada do concello, a Cristobal, Gordillo, Javier o notario e Pepiño… Pedimos disculpas se nos esquecemos de alguén, moitas son as persoas que nos deron o seu apoio e puxeron ilusión en que se celebraran estas noites, e toda a axuda e ánimo foi importante.

Grazas a Carlos Blanco e Quico Cadaval as dúas noites disfrutamos de un humor cheo de intelixencia e de poesía, de un teatro que bebe da cultura popular e da literatura e que proxecta unha mirada crítica sobre a actualidade.

O xoves a chuvia ameazou ata o final. Tiñamos un plan B, que significaba trasladarnos ao castelo. Ás 18h decidimos arriscarnos e manter o espectáculo no mosteiro de San Paio. Iamos xustos de tempo para a montaxe e non se puido probar a magnífica iluminación diseñada por Dani, que si se puido apreciar o venres. A chuvia fixo que o espectáculo empezara tarde e que faiara o xenerador da luz no medio da actuación. Carlos Blanco, grandísimo actor, soupo salvar a situación con unha linterna e a súa capacidade de improvisación. Maila estes atrancos, que moitos nervios nos fixeron pasar, Carlos Blanco conseguiu que a noite fora todo un éxito. O público riu moitísimo coa súa visión aguda e tenra de cómo somos os galegos. Ao día seguinte, para non correr mais riscos, cambiamos a máquina do xerador, o día estaba radiante e pudemos preparalo todo con tempo suficiente. Así que cando empezou a chegar o público polo camiño, sobre as 22h, todo foi rodado. Os coches quedaron as dúas noites no pobo de Santa Tegra e o público baixaba a pé polo camiño. Esa noite discurriu sen atrancos e veuse que o adro do mosteiro é un espazo fantástico para celebrar espectáculos. Quico Cadaval estivo magnético, fascinante, o público nin pestanexaba.

Como era o noso obxectivo, con esta proposta a asociación Amigos de Caldelas quere contribuir a poñer en valor un espazo diferente do noso patrimonio e sumarse á oferta cultural para o verán ourensán.
Foto: Carlos Campos

Dúas noites de contos, con Carlos Blanco e Quico Cadaval

2008-06-24T20:57:00.004+02:00

A asociación Amigos de Caldelas organiza, o 31 de xullo e o 1 de agosto de 2008, “Dúas noites de contos” no mosteiro de San Paio con dúas primeiras figuras da escea teatral galega, os actores Carlos Blanco e Quico Cadaval.

Cada unha das dúas noites está plantexada como unha sesión de contacontos. O protagonista será o actor que se presenta, coas súas narracións e a súa persoal maneira de conectar co público. Na transmisión oral están en parte tamén as raíces da nosa cultura, e a literatura galega ten unha rica tradición de oralidade. Disfrutaremos de unha visión moderna do teatro que enlaza con esa tradición.

Tanto Carlos Blanco como Quico Cadaval son abondo coñecidos a través da televisión e o cine. Como excelentes actores, autores e directores, ámbolos dous son figuras renovadoras da escea teatral galega. Nos espectáculos que adoitan presentar, o espectador pode recoñecerse, identificarse, ao mesmo tempo que se descubre de unha maneira diferente. Con humor intelixente, Carlos Blanco e Quico Cadaval mesturan a tradición popular e as referencias literarias, tan importantes na nosa cultura, proxectando ao mesmo tempo unha mirada crítica sobre a actualidade.

O adro do mosteiro de San Paio é o lugar escollido pola asociación para celebrar estes espectáculos. O mosteiro, unha xoia do románico gravemente deteriorada, atópase neste momento á espera de ser rehabilitado. Malia o seu estado e a ser pouco coñecido fora da comarca, San Paio forma parte aínda, de maneira moi viva, do noso patrimonio histórico-artístico, e pensamos que se trata de un espazo moi querido polos caldelás, que lamentamos o seu grave estado de deterioro e o expolio que sufríu. Con esta acción queremos contribuir a súa posta en valor, cumplindo así con outro do obxectivos da asociación, que é o de reivindicar e traballar pola recuperación dos espazos públicos e o patrimonio histórico-artísitco e natural da nosa zona.

“Dúas noites de contos” nace con vontade de continuidade, para ser unha cita anual que dinamice a actividade cultural caldelá. Esperamos poder compartir con todos dúas noites de verán cheas de humor, poesía e misterio, e convidámosvos a participar na asociación. A cita é no mosteiro, ás 22,30h da noite. Pronto poñeremos á venda as entradas, a un prezo de 5€ para cada espectáculo, e informaremos das novas.

A-76 / MANIFESTACIÓN 15 DE ABRIL EN OURENSE

2007-04-05T11:02:00.001+02:00

A Plataforma Pro A-76, corredor 3 por Ourense , está organizando unha macro manifestación para o dia 15 de Abril ás 12:00 horas, en Ourense.

O punto de partida vai ser o Campus universitario (xunto a airexa da Asunción, rúa Otero Pedrayo), dende a manifestación sairá en dirección ó gobierno civil pola rúa Curros Enriquez, para rematar na Praza Maior de Ourense, frente ó Concello de Ourense, onde será leido o Manifesto por Olegario Sotelo Blanco.

Esta manifestación vai a estar encabezada por grupos politicos de Ourense( PP,BNG e PSOE), demostrando que todos apoian iste trazado. Tamén encabezará a manifestación os presidentes da CEO e da Cámara de Comercio.

Envía un eMail os teus amigos, familiares e coñecidos. Por una vez, todo o mundo coñecerá as nosas reivindicacions. É mui importante que estemos todos presentes o próximo domingo, 15 de Abril ás 12h.

Vamos a colocar un Stand na rúa de Paseo toda a seman do 9 al 14 de Abril. de horario de 10:00 a 13:00 da maña e de 17:00 a 20:00 da tarde,donde necesitamos a colaboración de todas persoas internautas para cubrir todo-los dias e sensibilizar a toda a provincia de Ourense repartiendo manifestos e recollendo signaturas a pro,de este trazado Corredor3, xa que consideramos que é beneficioso para toda a provincia.

Os que estedes dispoñibles para estes días e queirades participar nunha oportunidade histórica, poñedesvós en contacto ca plataforma para colaborar e dar a coñecer as nosas reivindicaciones.

Plataforma pola A-76

É o momento de move-lo peto por Elena

2007-03-26T07:57:00.000+02:00

Nunca tantas veces soara o nome de Castro Caldelas, agora tocalle o turno os veciños, hai que move-lo peto pola Elena.
Envia FAVORITO ELENA ó 7788, ou chama 905411541 ha dejado un nuevo comentario en su entrada "Elena Pérez, unha estrela para a Terra de Caldelas...":

Boas, o concurso "Son de Estrelas" no que CALDELAS está representada por Elena está na segunda fase, da que xa se emitiron 2 programas dun total de 11 que terá.
Esta fase é un sistema de liguiña parecido ó do futbol, compiten nela 12 comarcas e enfrontanse entre elas como si fose un partido de futbol (6 enfrontamentos cada semana de 2 comarcas).
De cada enfrontamento un xurado decide si ten un gañador que se leva 3 puntos (o perdedor ningun); ou si hai un empate, neste caso leva 1 punto cada un. A estes puntos que van tendo cada semana sumanlles os puntos que tamén lles dan os votos du publico por telefono 3, 2 ou 1 segun os votos de cada semana; é o final o que máis puntos teña gana o concurso.
Na primeira semana Elena e 3 máis estaban de primeiros con 3 puntos, 4 de segundos con 1 punto, e os outros 4 con 0 puntos.
Despois da segunda semana, vai en cabeza unha rapaza con 8 puntos, 2 de segundos con 4 puntos, e Elena con outros concursantes con 3 puntos na terceira posición.
Elena faino moi ben, o certo e que está deixando o pobo en moi bo lugar, tendo en conta que non recibe ningun punto de votos por telefono (que son os que deciden o ganador, xa que unha persoa podese levar 33 puntos de votos en total sin ter ningun mérito). Quero dicir que ainda que ela gane todos os enfrontamentos que lle quedan, acadaria un total de 30 puntos; e podese dar o caso de que outra persoa sin ganar ningun enfrontamento teña 33 puntos que lle deron via votos por telefono.
Todo isto ven a que temos que apoiala, a que temos que rascar un pouco o bolsiño e mandar algún sms ou chamar por telefono (cousa que se pode facer desde calquera sitio)
O telefono para votar é 905411541 ou tamén enviando unha sms o 7788 co texto: FAVORITO ELENA
Os votos hai que facelos desde o Sabado as dez da noite ata o luns as cinco da tarde. Pídovos a todos os veciños do pobo a que chamedes e votedes todas as semanas as veces que poidades, e que llo digades a toda a xente que coñezades para que sexamos máis a votar e así lle podamos sumar algúns puntos a Elena que nos está a representar a todos.
Cada pouco irei contandovos como vai a cousa.

BAUTISTA, Graciñas pola páxina, e anima a xente a que participe votando

O Castro terá a súa area de rehabilitación

2007-02-04T20:48:00.002+01:00

A Consellería de Vivenda e Solo declarará o casco antigo de Castro Caldelas como Área de Rehabilitación de Conxunto Histórico (ARCH) (contará con SUBVENCIÓNS ESPECIAIS PARA A SÚA CONSERVACIÓN).

Esta modalidade permitiralles aos veciños acceder a importantes axudas para a rehabilitación das vivendas, e á administración local a subvencións para obras de urbanización. Para que a consellaría aprobe a declaración, o Concello deberalle remitir unha memoria coa documentación esixíbel.

A directora xeral de Fomento e Calidade da Vivenda, Encarna Otero, anunciouno logo de visitar o casco histórico de Castro Caldelas, acompañada do delegado provincial de Vivenda, Antucho Espinosa, e do alcalde do municipio, Eladio Osorio. Hai que decir que conta co apoio e o entusiasmo da arquitecta e Conselleira, Teresa Taboas, que ten visitado en moitas ocasións a vila. A consideración de ARCH facilitará axudas de até o 80% do orzamento, cun importe máximo de 11.000 euros para a restauración de vivendas da zona, e do 60% para a urbanización e reurbanización das rúas do contorno.

A area do Castro sumase as area de rehabilitación de Allariz, Celanova, Ribadavia, Verín, Ourense e Ourense-Seixalbo.

O Concello debería plantexarse que é momento de aproveitar istas subvecións tamén para peatonalizar a praza do Prado, ordear o aparcamento e por en valor o seu espacio central.

Veciños de Sas de Penelas contra a A-76

2007-02-03T13:06:00.000+01:00

Reproducímos o texto publicado hoxe pola "La voz de Galicia" sobre as demandas da Asociación de veciños de Sas de Penelas:

“La asociación de vecinos Sas de Penelas, de Castro Caldelas, ha presentado una propuesta novedosa en torno a la autovía. Este colectivo cree que «la opción de acondicionar las actuales carreteras como vía rápida exhibe muchas ventajas sobre la impresionante obra de ingeniería que supone una calzada desdoblada», según recoge un escrito firmado por Ricardo Gómez y remitido a las ministras de Fomento y Medio Ambiente y a tres consellerías de la Xunta.   Según informa la delegación de La Voz de Galicia en O Barco, esta asociación cree que la autovía tendría que ir de Ponferrada a A Rúa. A partir de ahí propone mejorar las conexiones de la N-120 con la C-536 -es decir, entre Valdeorras y Trives- y con la A-52, haciéndolo o bien desde Pobra de Trives o bien desde Freixido.  En cualquier caso, la asociación de vecinos de Castro Caldelas difundió una carta enviada por la secretaria general de Infraestructuras del Ministerio de Fomento, Josefina Cruz Villalón, en la que ésta asegura que todavía no hay ninguna decisión tomada sobre el trazado de la futura autovía.   Estudios previos   «En estos momentos la Dirección General de Carreteras está realizando los estudios previos para analizar las distintas opciones de trazado viables. Antes de la aprobación de cualquier trazado, esas distintas opciones serán sometidas a información pública», explica Cruz Villalón. La carta fue enviada por esta alto cargo de Fomento a la asociación Sas de Penelas porque este colectivo le había pedido información sobre la situación del proyecto y que ahora destaca que el escrito tiene fecha del 23 de enero, 72 horas antes de que el secretario de organización del PSOE, José Blanco, dijese en Monforte que esa autovía sólo tiene sentido si pasa por el sur de la provincia de Lugo.”

Nós imos seguir loitando...dixo Osorio

2007-01-29T10:45:00.000+01:00

O día da gran manifestación en Trives pola A-76, o noso alcalde, Eladio Osorio, manifestabase con claridade e rotundidade na Voz de Galicia e decía "...que Fomento había solicitado la opinión del Concello de Castro Caldelas sobre la A-76 y que este municipio «vai seguir defendendo este trazado», en referencia al que sigue la antigua N-120. El alcalde caldelao cree por tanto que será Fomento quien deba decidir sobre el itinerario. «Nós imos seguir loitando a pesar do que diga Pepe Blanco. É Fomento quen debe confirmar. Pepe Blanco é de Lugo. Eu son de Ourense, son de Castro Caldelas e vou a poñer tódolos meus esforzos para que a A-76 pase por aquí», añadió Osorio. A foto é da visita que lle fixeron a Quintana, Osorio e Inés.

Trives móvese

2007-01-28T10:02:00.000+01:00

Unhas 3.000 persoas, según o blog de San Xoán de Rio, apoiaron o corredor por Trives e Caldelas. Para cando unha manifestación na nosa vila que poña de manifesto o apoio popular..?. Amigos de Caldelas súmase ó apoio a iste corredor e andamos a mirar se estamos a tempo de facer alegacións no seu favor.

Cóntase que, cando gañaron por primeira vez os socialistas en Castro Caldelas, en Madrid quixeron coñecer a ise extraño tipo (Osorio) e saber da vila que lograra arrancarlle un Concello ó todo poderoso Franqueira, nun feudo absolutamente cerrado. Caldelas conta un capital pola súa fidelidade ó socialismo e xa é hora de ter soños grandes e reunirse con quen faga falta.Traballar a política, os tribunais e os medios. Hai lexitimidade, o noso trazado é o que aconsellan os técnicos, guiados como en moitos sitios da península pola topográfia dos románs. E hai un argumento moito máis poderoso, á nosa é a zona máis deprimida de Galicia, vai camiño de estar totalmente despoboada. Os técnicos que decidadan a autovía por outro lado non o van a ter facil para xustificar os custes e o impacto no medio.

Hai que moverse

2007-01-23T18:14:00.001+01:00

Traslado eiqui o video que atopei na páxina dos amigos de Xan Xoán de Rio, na que Xosé Blanco fai unha promesa ós de Monforte da futura autovía, como espacio vertebrador da zona sur de Galicia.

Plataforma pola autovía por Caldelas

2007-01-20T00:20:00.000+01:00

O xovés foi creada en Trives unha plataforma para a defensa do trazado da autovía por Trivés e Caldelas. Nesta plataforma participan políticos e asociacións das bisbarras que teñen interés neste corredor que, sen duda, é vital para que esta zona xeográfica se asome a unha vía de futuro. Parece que os inxiñeiros de Fomento, vendo como aforrar cartos, non dubidaron en darlle tino a experiencia dos románs a hora de trazar as súas vías de comunicación.

A-76, “Deuda Historica con Caldelas”

2006-12-03T00:09:00.000+01:00

Hoxe, a noitiña, no programa do Manolo Valdes, na Radio Tele-Taxi, escoitamos falar ó alcalde Osorio Castro de que o Ministerio de Fomento está valorando a posibilidade de facer unha autovía (A-76) que iría dende Ponferrada ata Ourense pasando por Caldelas e Trives. En xaneiro foi adxudicado o seu estudio. Según explica o alcalde, os concellos da zona (Manzaneda, Trives, San Xoán de Río, Castro Caldelas, Montederramo, A Teixeira, Parada do Sil, Esgos, Maceda, Pereiro de Aguiar, Larouco y Xunqueira de Espadañedo celebraron unha reunión no Castro para apoiar xuntos esta iniciativa que, parece, foi moi protestada polos concellos de Lemos e Quiroga.

O PSOE gallego, parece que apoiará iste trazado para favorecer as comarcas que polas que pasa a OU.536 e sacalas do seu aillamento.

A Asociación de Amigos de Caldelas pensa que esta é unha moi boa nova que será sen dubeda un forte revulsivo para economía da zona. Parece que o Ministerio solicituo os Concellos alegacións para elaborar o informe de impacto ambiental. Coidamos que a autovía ten que separarse do pobo e ter unha saída e entrada perto da nosa vila.

A través do mesmo programa de radio soupemos do pasamento da mai de Osorio Castro e aproveitamos para darlle o pésame da Asociación de Amigos de Caldelas.

Mais opinións e lembranzas

2006-11-12T21:11:00.000+01:00

Foto do Castro dende o aire (feita nos sesenta...?) atopada no sotano do antigo concello, por un sobriño da Carmiña do Bolero, de autor anónimo.

O Bautista anda detrás de min e de outros para grabarnos coa súa cámara mentres contestamos á pregunta sobre o que mais nos gusta do Castro e o que non nos gusta.
Eu levo tempo esquivandoo con excusas varias.

E cando consigo quitarme de enriba a presión quedo a pensar ¿qué é o que me gusta a mín do Castro?, ¿qué é o que non me gusta?

Gústame percorrer as rúas, sobor de todo no “Cima da Vila”, e revivir cando era neno, e gústame como era o Castro entón.

As minhas lembranzas mais antigas chegan á época na que ainda íamos a escola vella, ó lado do cuartel da Garda Civil, aquelas aulas nas que estábamos mixturados varios cursos, onde ainda exercía o seu “doloroso” ministerio D. Santiago Salgado, figura mítica e temida entre os nenos, a quen lle debo o meu primeiro contacto co medo.

Lembro que nos recreos íamos a guichar nas cuadras do cuartel para ver aqueles cabalos que nos parecían enormes. Lembro cando os gardas sacaban os cabalos para facer exercicio no patio dando voltas arredor guiados por unha corda, espectáculo que os rapaces víamos dende a rampa coma se fose o mesmo circo.

Lembro cando se subiu o colexio “o toural” e como naquela mudanza pra unhas instalacions novas e limpas perdeuse un pouco de maxia.

Lembro a doña Sarita e a súa recurrente narración do día da fin da guerra incivil. Lembro os outros mestres antigos, doña Milagros, don Isaías, don Domingo, e outros xa desaparecidos…

Lembro as correrías polo prado da devesa, sempre atentos ó Xesús dos Pilos que nos botaba de alí por que lle pisábamos a herba que pacían as súas vacas. Lembro aquela aciñeira á que trepavamos con tanta facilidade, e como o chapapote que “alguén” derramou pra impedilo deixou sinalados os pantalóns de toda unha xeración de trepadores.

Lembro os xogos na praza, cando xogábamos ó futbol, con algún mozo facendo de porteiro no murallón, o Mingos centrando, e unha morea de rapaces mais grandes e mais pequenos loitando por rematar de cabeza. De cando en vez tiñamos que parar por que pasaba un camión. Pero de seguida continuaba o xogo.

Lembro xogar ó rebumbio diante da eirexa cunha soia portería e dous equipos, lembro xogar ó brilé, ó pañuelo, e ó “azurriaga la melondra” no muro detrás da sacristía.

Lembro baixar á praza, a carreira dende “o cima da vila”, dispois da catequesis impartida pola Candidita os días antes da nosa primeira comunión. Lembro como un par de días antes, a cabeza do Gabriel atopou no aire un croio de bon tamaño, que lle deixou ben sinalado, e por iso aparece nas fotos, ó lado do Alfredo e a Ruth do Carballo, cunha vendaxe da que xa non se vai librar nunca.

Lembro vagamente os tempos do entroido, os días de compadres e de comadres, as panxoliñas e os días da fariña cos rapaces e as rapazas correndo por todo o pobo agachándose uns dos outros.

Lembro como ó final do vran chegaban as festas dos Remedios, como os rapaces íamos a aparellar as bandeiras (si nos deixaban os mais maiores) como se tendían uns cordeis no sótano do concello antigo e como os mais maiores se repartían o mando, un no pupitre, untando con engrudo banderolas e bandulinas, outro no tendel, colocándoas na corda. E como os rapaces pequenos trasegábamos dende unha posición a outra como unha cinta transportadora en movimento orgulloso e imparable.

Lembro como nises días de preparación das festas os pequenos vivíamos nun contínuo sobresalto, xa que víamos ó Irrio por tódalas esquinas, disposto a quentarnos o cú ca súa bimbia.

Hoxe vexo istas lembranzas con nostalxia e doume conta de que en todas coincide un denominador común: a liberdade que tiñamos os nenos pra ir de un lado a outro do pobo sen risco e sen medo, como naqueles tempos podíamos elexir a zona dos nosos xogos sen temor a un atropello ou cousas piores.

É claro que non podemos pretender voltar a aquel tempo, nin modificar o tren da vida pra voltar atrás, mais ¿non poderíamos ver de qué forma os nenos de hoxe teñan algo de aquela liberdade, e os pais algo de aquela tranquilidade?
Por suposto que os coches son inevitables, mais non tan importantes como pra darlles a prioridade total. Cada quen no seu eido, penso que se poden artellar fórmulas pra millorar a convivencia entre humanos e mecánicos, mais tamén que a prioridade debe estar nas xentes, non nos medios.

Os espazos públicos deben ser de uso da xente, sen coaccións de ningún tipo. Nin pola mecánica nin polo abuso de outros que, amparados pola costume, pensan que a rúa lles pertence.

Outro día falarei do que non me gusta.

Carlos Vázquez “ Campos”

Resposta oficial do Concello

2006-11-01T18:12:00.000+01:00

Finalmente recibimos unha contestación da Xunta do Goberno Local ás peticions expresadas no manifesto que, refrendado por 200 firmas, presentamos no mes de agosto no Concello. O silencio do Concello estivo na orixen da creación de esta asociación e tamén de este espazo de O Prado, polo que ainda que chegue tarde, valoramos positivamente esta resposta.

Ésta recolle literalmente as nosas tres iniciativas: a peatonalización das zonas da praza e do casco histórico, a necesidade de transparencia nas accións urbanísticas que se leven a cabo e a creación de un novo parque infantil.

O concello agradece as propostas que, recoñece, van encamiñadas “á mellora do espacio público da vila” e garantiza que “estudiará con minuciosidade as peticions efectuadas en función das súas disponibilidades económicas e técnicas”.

A Asociación agradece a resposta e enténdea como un compromiso do Concello. De sabios é rectificar e esperamos que non señan soio palabras vanas.

Queremos reinvidicar a necesidade de transparencia en todas as actuacions, e tamén nas resolucions e comunicacions que o concello adopte respecto a istes temas. Calquer decisión debe ter en conta a precaria industria existente na vila, co obxeto de non perxudica-la. A razón non é dos que mais berran, senon dos que mais argumentan.

Unha vez máis, expresamos a necesidade de encargar un estudio previo a un especialista en movilidade. “As disponibilidades económicas e tecnicas” ás que alude o texto do concello non poden erixirse nun atranco.

Queremos transmitirlle á Xunta de Goberno Local, que insiste en resaltar que “a mayoría dos asinantes non son residentes” que todos sumamos, porque todos estamos interesados no futuro do Castro, residentes e non residentes.

Todas as persoas que nun momento foron consideradas como “veraneantes”, dentro e fora da asociación, representan unha enerxía moi útil para Caldelas. Somos cidadans comprometidos coa terra, non queremos dar leccions senón aporta-la nosa enerxía.

A posta en valor do patrimonio histórico, cultural e natural é un compromiso programático do propio PSdeG. Entendemos que o leiv motive “móvome” do PsdeG debe inspirar ó concello. Pero esperamos que este movemento nos leve realmente a un bó resultado. Desde a Asociación, seguimos traballando.

Amigos de Caldelas

2006-10-21T01:20:00.000+02:00

Paso a paso

2006-10-16T09:33:00.000+02:00

Son moitas as iniciativas que queremos por en marcha. Como na foto, é cuestión de ir paso a paso. Son moitos os escalóns ata chegar ó alto e logo de chegar podemos atoparnos cunha porta moi negra, sen ser capaces de ver o seu interior. A escada é moi empinada e non é cousa de ir moi rápido. Entre os de dentro e os de fora iremos subindo a escada.

Posición do Partido Popular

2006-10-13T18:13:00.001+02:00

Hoxe, por fin, Toño, voceiro da oposición, fixo un comentario na entrada: PEATONALIZACIÓN DO CASCO HISTÓRICO.

Algúns comentarios desta entrada botaban en falla o apoio do Concello e da oposición. A nós tamén nos sorprendía a falta de participación do Bloque e do Partido Popular. Facemos unha entrada do seu comentario e agradecémoslle a Toño a súa participación, que sen dubeda, é importante pola representación que ten o P.P no Concello e que axuda a enriquecer o debate cas diferentes sensibilidades de Caldelas. Alégranos a vosa "sintonía" cas propostas da Asociación de Amigos de Caldelas e manifestamos, como xa dixéramos, no seu escrito fundacional, que ista é unha fiestra aberta, na que cada quén pode manifestar o que queira, se considera que ten interés para a nosa vila. Fiestra aberta sí, pero unha fiestra aberta os valores progresistas. Interésanos o debate real e os feitos reais, que proben esta progresía. Esperamos que o Bloque e o PSG, finalmene, se sumen a iste debate e aporten a súa visión do asunto.

O comentario:

Ola a tod@s: 
Por alusións, despois de seguir con interés os comentarios que están aparecendo, e tras unha prudente vixilia, decido, co voso permiso, incorporarme o debate. 
Como cuestión previa fago unha felicitación e unha declaración. 
A primeira, para o titular diste espazo que é quen de poñer a disposición do "Mundo" cousas de seu.  A segunda, a declaración de recoñecemento da función que o blog está a facer como foro de intercambio de opinions sobre un referente: castrocaldelas.  Vaia por diante o meu respecto a todas as opinións e comentarios. Tedes que perdoarme a miña impericia nestas tecnoloxías, coa vosa axuda mellorarei.   Eu estarei identificado (como voceiro da oposición) e invito a facer o mesmo ao resto, por aquelo da transparencia. 
Entrando en fariña, teño que dicir que desde fai un mes ando contento. A apertura do blog ao debate e ver o contido foi como unha inxección de ánimo. Aí van dúas razóns:  1) Pola capacidade de iniciativa que existe en castrocaldelas e o apoio popular. 
2) Pola sintonía das propostas con noso programa político (para as eleccións de 2003).  Da primeira salientar o efecto "Aguillón" para unhos, e balsámico para outros.  Da segunda, para poder debater con coñecemento de causa, pido autorización para poñer o dispor dos participantes do blog o contido do programa político que presentamos a os veciños de castrocaldelas no ano 2003.   E diredes: -Non sería moi alá as vistas do resultado electoral!!! psoe 7 pp 2 bloque 0   Unha Malleira¡¡¡.  Certo. Mais.... Ulo o programa do psoe?, Ulo o do bloque?..........  Alpha pregúntase se hai oposición, e eu pregúnteme:  O alcalde Osorio e o psoe de castrocaldelas presentaron a debate un proxecto global e integral para o noso concello?  A Alpha dígolle que a oposición ten programa e está no sitio que o pobo decidiu: 2 Concelleiros.  Polo tanto non temos posibilidade de forzar plenos extraordinarios, nen pedir informes ao secretario. Sómente velos ver os expedientes e facer preguntas, rogos e mocións. E abofé que temos feito centos delas. Coas respostas teriades para rir un bo rato.  E diredes..... Acudir a prensa!!! Dacordo, xa o temos feito.  Resultado: Non se garante un coñecemento xeneralizado e o que peor, as redaccións reelaboran as notas que se lle fan chegar co que as veces a noticia prexudica a o mensaxeiro.  Por certo quero que saibades que a revista "Ribeira" ten un comportamento sectario por esquecer a nosa representación. Tamén o fixo coa asociación das mulleres rurais de "CASTRO CALDELAS"  O NOSO REFERENTE PROGRAMÁTICO É:  "O TEU FUTURO É O NOSO COMPROMISO"  e coa axuda do “POBO” SEGUIRÁ SENDO......!!!!!  ESTOU DISPOSTO AO DEBATE.  
Saúdos Toño.

Tarifa, exemplo de peatonalizacion

2006-10-01T20:54:00.000+02:00

Osorio: Moitos firmantes son veranantes...

2006-09-18T21:47:00.000+02:00

O día 13 de setembro o xornal La Voz de Galicia publicou unha nova sobre a presentación no concello das 200 firmas pola peatonalización. Reproduzco a parte das manifestacións do alcalde:

El alcalde, Eladio Osorio, explicó ayer que «a idea é certamente a de regular o tráfico, témola en mente porque é necesario que os turistas deixen os coches abaixo para que se poda camiñar sen problemas polas rúas do casco histórico da vila. O proxecto ARI vai contemplar tamén obras de reposición da tubería da auga. Será necesario regular os aparcamentos na zona vella e que as rúas sexan dun sentido».
Osorio dijo que en lo que a la peatonalización de la Praza do Prado, que ya tiene reservada para los peatones una zona, «non haberá viabilidade mentras non haxa unha alternativa para facelo». El alcalde recordó que muchos firmantes son veraneantes y hay que estudiar bien este proyecto con todos.

Nova en La Region

2006-09-18T14:23:00.000+02:00

O día 8 de setembro La Región, a través do seu corresponsal, Luis Rúa, publicou unha nova a cerca da presentación no Concello das 200 firmas pola Asociación de Amigos de Caldelas. Queremos que o blog sirva para ir dando a coñecer todas as accións que se leven a cabo e a súa repercusión. Costounos atopar ista nova xa que non saiu na edición dixital de La Región. Como sabedes o Castro non conta, como outras vilas de Ourense, con unha pestaña (enlace) no lateral esquerda da portada co nome de CASTRO CALDELAS que nos permita ir directos as novas do Castro. Temos pensado pornos en contacto con iste xornal para intentar ter un pouco máis de protagonismo.

"...esquezase do seu vehiculo..."

2006-09-15T23:13:00.000+02:00

Si se peatonalizan as zonas do prado, como noutros sitios a Praza pasará a ser un espacio moi util para que a xente poida pasear, conversar e comunicarse... É estou bastante convencido, pola observación do que está a pasar noutros sitios, que a actividade comercial de servicios melloraría considerablemente. Será un reclamo para os da vila e os da comarca como gran espacio de encontro, con calidade, gañado para as persoas. En moitos sitios onde se levaron a cabo peatonalizacións viron como a xente voltou a sair a rúa cas súas sillas, a toma-lo fresco e charlar cos veciños. Acabará pasando como en Allariz que pasado o tempo o pobo fai seu un proxecto executado con moitos atrancos. A imaxen corresponde a unha tarxeta comercial de Allariz que leva no seu reverso o seguinte reclamo:

“ao chegar a Allariz esquézase do vehículo
e descubra o núcleo histórico a pé,
a súa saúde agradecerallo e os alaricanos tamén...

Terra de Caldelas no Plan Estratexico da Provincia

2006-09-11T11:53:00.001+02:00

Buscandolle o fío as palabras atopeime co Plan Estratéxico da Provincia de Ourense redactado polo INORDE (organismo da Diputación de Ourense) que dí o seguinte sobre a Terra de Caldelas.

"En esta situación se encuentran las comarcas de Terra de Caldelas (Castro Caldelas, Montederramo, Parada do Sil e a Teixeira)T, Terra de Trives y Viana, además de poblaciones situadas en otras comarcas en un plano más alejado de las Areas de Oportunidad.

Terra de Caldelas, con 5.019 habitantes, es una comarca sin una especialidad productiva destacable, aunque predomina el sector agroganadero. La vía fundamental de comunicación es la carretera N-536 que une la comarca con Ourense Ciudad y la comarca de Valdeorras. Además del potencial derivado de sus recursos turísticos (Casco Histórico, Castillo, Río Sil, etc.) susceptibles de un mayor aprovechamiento como productos en los segmentos de Turismo Cultural y Turismo Rural y en la Naturaleza fundamentalmente, tiene en el desarrollo de la ganadería y de las industrias agroalimentarias una alternativa de futuro."

Manifesto fundacional

2006-09-09T09:15:00.000+02:00

Xa contamos con un blog que será o punto de encontro da Asociación de Amigos de Caldelas. Unha praza sen portas nin barreiras, unha praza para todos, para os que viven aquí e os que están lonxe pero síntense perto de Caldelas. Decidimos chamarlle "O Prado" como símbolo de lugar de encontro, libre, sen coaccións (xusto o que nos gustaría que fora tamén a Praza do Prado). Este blog é un espazo no que a xente pode opinar, aportar ideas e información e falar sobre os temas que preocupan os caldelaos. Interésanos todo o que pase en Caldelas ( as intervencios no patrimonio histórico, o tratamento e preservación dos seus espazos naturáis, os problemas medioambientáis, a vida cultural e social e a mellora das infraestructuras para todos os cidadans, tamén os neno, os mais xóvenes e os vellos). Interésanos tamén, moi especialmente, traballar pola dignificación e normalización da nosa lingua e cultura. Esperamos a participación de todos.

Estamos formalizando a constitución da ASOCIACION AMIGOS DE CALDELAS e gustaríanos invitar a participar a todos-los caldelaos, de dentro e de fora, que lles interese participar no rexurdimento de Caldelas, dende a idea de que todos somos corresponsables do que lle pase o noso pobo.

Traballaremos:

Pola nosa lingua e pola nosa cultura.
Pola peatonalización do casco histórico
Pola ordenación do tráfico nas zonas do Prado
Pola mellora das fontes
Pola preservación dos espacios naturais
Polo respeto ó patrimonio
Pola visibilidade de Castro Caldelas (nos mapas, nos medios de comunicación...etc.)
Pola capitalidade, de feito, da Ribeira Sacra.
Pola preservación e dinamización de nucleos rurais abandoados.
Pola dinamización cultural da vila (ciclo de cine, organización de concertos, teatro, conferencias e exposicións)
Pola mellora dos espazos pro tempo do lecer, para nenos e maiores.

200 firmas pola peatonalización

2006-09-09T09:03:00.000+02:00

O xoves pola mañá entregamos no Concello de Castro Caldelas perto de 200 firmas que apoian a iniciativa da peatonalización do casco histórico e das zonas da Praza do Prado.

O día anterior quedara co alcalde (Osorio Castro) para informalo da iniciativa que estaba en marcha e da que él xa tiña noticia.

No concello, a carón do espacio de atención ó público está o despacho do alcalde. A porta estaba aberta e, por uns momentos, tiven a sensación de que iste era un espacio aberto ós veciños. Xa me advertiran, decindo que Osorio, escoitar, escoita, pero, logo, a mayoría das propostas morren polo esquecemento. Espero que non sexa iste o caso, ainda que moitas son as voces de escepticismo.

Saudámonos, él leu a iniciativa, falou das bondades do debate, penso que incluso mo agradeceu, e logo contoume unha iniciativa do cura para mercar unha campá para a torre dereita. Como o cepillo non anda sobrado, parece que o apoio do Mingos foi decisivo. Faloume da área de rehabilitación do casco histórico e do apoio da Consellería da Vivenda. Das casas que pretendían mercar e o uso que pretenden darlle, do enterramento dos cables da luz e da recollida neumática do lixo na zona vella. Tamén faloume da subvención para levar a cabo o proxecto da instalación da colección de esculturas sacras na airexa do camposanto do cimadavila. Por cortesía e respeto ó meu alcalde non o interrumpin e mostrei interés polo que me comentaba, proxectos que me interesou coñecer, son boas novas para a vila. Máis así consumiu o tempo e comenzou a mira-lo reloxo e a decir que tiña que ir a Quintela. Dixenlle que eu deixarao falar e agora tocábame a mín. Intentou zanxar a cuestión dicindo que o do casco historico é facil pero o das zonas da Praza, nen falalo. Primeiro agradéceme o debate e logo dime que non pode ser.

Insisto. Lembrolle que son 200 veciños os que apoian esta iniciativa e que deberían pensalo, non desestimala tan axiña. Falolle das posibilades que ten a vila se aposta forte polo turismo cultural. Dí que ¿qué turismo cultural vai vir a vila?? uns segundos de silencio e finalmente dí que estudiarán ordenar a praza e señalizar unhas zonas onde se poida aparcar e que incluso estudiaran a posibilidade dun garda que faga cumpri-la Ley durante os tres meses do verán. Nese pequeno momento de boa vontade incluso dí que o espacio que hai diante do Concello e da casa do ?Bisagras? podería servir para facer un parquin no subsuelo, cambiando a calificación do chan. Respecto da petición da mellora dos espacios para os cativos, resposta que se pode utiliza-la praza nova que se fixo debaixo da carretera de Ourense. Insisto e preguntolle onde poden xugar alí os cativos e resposta: si é cuestión de uns ferros xa os poremos oh!

Inviteino a facer un comunicado conxunto no que se comprometera a estudalo e negouse, manifestando co falaría con seu equipo de goberno e xa se vería. Logo rematou a entrevista, porque tiña que marchar a preparar a malla de Mazaira.

32 COMMENTS:
Anonymous said...
Solucións ó caos actual hai moitas, outra cousa é que se queiran por en marcha.
4:31 PM
Xurxo Castro said...
Unha proposta demasiado ambiciosa para unha vila coma do Castro.
5:13 PM
Sofía Pérez said...
Penso que, salo no verán, é decir, o longo do ano, os coches poderían aparcarse nun dos lados da carretera de Ourense e ainda lles sobra espacio. Non vexo que haxa tanto problema. Como é posible que non se lle ocurro o noso alcalde.
10:56 PM
Mariano Padilla said...
Non é mala idea la propuesta por el alcalde en el sentido de hacer una parquin en la zona que está delante de la Ferretería. Se encontraría a nivel de calle y podría ser muy cómodo. El problema sería su coste. A lo mejor podrían obtener alguna subvención o partida para esta mejor de la plaza.
11:20 PM
Anonymous said...
Xa sei que non ten nada que ver, pero como é posible que unha vila tan altiva coma o Castro non teña unha web como deus manda.
1:03 AM
Antía said...
Amigo Mariano, non creo os veciños da Ferretería lles faga moita gracia unha obra como esa.
9:39 AM
Bautista Sotelo said...
Ten razón Mariano. A proposta do alcalde non é mala e penso que si a tratara politicamente podería obter financiación. Según comentaba o alcalde a calificación diste chan é de zona verde. É cuestión de cambiar ese zona por outra zona verde e facer alí os equipamentos públicos de garaxe. Penso que incluso poderían obter cartos a través da area de rehabilitación. De todas formas comprobareino para sair de dudas.
3:33 PM
Bautista Sotelo said...
O tema dunha web si que ten que ver ca nosa iniciativa. Que conten cunha páxina antes a Abeleda e Vilarellos da para pensar... Unha páxina é sinonimo de transparencia. Nunha páxina os cidadans saben cales son as actividades e os servicios do Concello, dunha maneira clara. Podese acceder a normátiva urbanistica. Podese comunicar facilmente por correo con calquer departamento e moitas cousas máis que se fan en calquera concello moderno.
3:42 PM
Anonymous said...
Como se van a preocupar por unha web, é decir abrir un fiestra ó mundo, senón son capaces de preocuparse pola praza do pobo onde a xente se reúne, onde se fan negocios, onde se soña, onde a xente se divirte, onde os nenos xogan, onde a xente se comunica.
9:40 PM
Anonymous said...
Non vós farán caso. Sodes uns ilusos. É como darlle margaritas os porcos. A xentiña que goberna no Castro no atende a sensibiliades.
11:03 PM
Bautista Sotelo said...
Non estou dacordo. Sensibilide ten que habela. Pode que logo de moitos anos falte enerxía ou necesiten sabía nova pero o equipo do Osorio foi capaz de subirse o carro e participar no premio Blanco Amor, coopromotor, dende fai moitos anos, do premio de antropoloxía e investigación social Vicente Risco, fixo gran parte da rehabilitación do castelo, o museo etnografico, alentou e colaborou no Ponte Louco. Son iniciativas culturais importantes dunha época.
11:55 PM
Tania said...
A donde fue a parar esa sensibilidad.
8:13 AM
Xurxo Castro said...
Resulta curioso ver a publicidade do Concello. Unha foto dende o Toural con unha frase que dice...  Castro Caldelas vila turística e monumental  Como pode logo o Sr. alcalde preguntarse que é eso de turismo cultural na visita de Bautista Sotelo. Como poden vender o de monumental se non hai o máis minimo respeto polo patrimonio.   A asociación amigos da Riberira Sacra está a promover un proxento no que solicita para ésta zona a declaración de patrimonio da humanidade.   Que está a facer o Concello do Castro neste sentido...? nada, nada, nada... dormir o longo sono de pedra...xogar a brisca no Grilo...asubiar...adormecer polo efecto da altura.
10:39 AM
Xurxo Castro said...
Non son un apocalÍptico. Soio quero aportar algo o debate. Aproveitar a oportunidade que nos brinda o blog do Bautista e as iniciativas de Amigos de Caldelas para facernos preguntas. Non somos os máis guapos, nin os máis listos... ainda que nós rimos de todo. Cal é causa da decadencia da nosa vila. Onde está a xente nova. Que pensa, que dí... protesta por algo.
10:43 AM
Anonymous said...
hola soy ana qetal estas anton estasbien quieroque noaya coches enlaplaza tanbien quiero toboganes
9:40 PM
Bautista Sotelo said...
Hola Ana, gracias por participar nesta iniciativa. Antón mandache recordos. Se nos unimos todos algo lograremos. Se non se retiraran todos os coches polo menos que os odenen.
10:17 PM
Alpha said...
Pois volvemos a ter máis do mesmo ... ¿ É que o aparcadoiro tamén ten que estar no Prado ? A zona onde se atopan as famosas escaleiras que non conducen a ningunha parte ,ten unha estupenda entrada polos Pilos e terreo dabondo para facer un grandísimo aparcamento, sen buscarse conflictos co M.O.P.U.
12:28 AM
Bautista Sotelo said...
Perdoa Alpha pero non te entendo moi ben. Cando dis que voltamos a ter máis do mesmo de que está falando. Queres decir, acaso, que xa se plantexou unha iniciativa de peatonalización noutro intre...?   Hoxe as escadas do murallón non conducen a ningures, conducen a praza da devesa e ainda que sufra a indiferencia dos caldelaos por estar feita sen ser consensuada con éstes, poderianse utilizar para algunha iniciativa de aparcamento como suxires. Pero a opción máis acertada debería dala un técnico que plantexara un plan de movilidade intregral para os próximos 10-20 anos.
11:00 AM
Bautista Sotelo said...
Alpha, non entendo que conflicto se pode plantexar co M.O.P.U...? poderías orientarnos. Dudo moito que calquera conflicto co M.O.P.U non se poida resolver buscandolle as beiras...? Podes explicarte mellor...?
11:04 AM
Anonymous said...
no entiendo que a los bares les moleste que les quiten el morro de los coches de delante de "sus terrazas-aceras" ¿a quien le gusta tomar un caña a medio metro de los coches? si esas mesas están llenas es porque no hay otra opción. Esta propuesta debería salir de los propios bares... queremos un lugar más agradable, para pasear, para cruzar la plaza y para tomar la caña.Enhorabuena por la iniciativa. ¿todavía se puede firmar?
12:11 PM
Bautista Sotelo said...
Xa non recollemos máis firmas. Foi unha cousa simbólica. En ningún momento se maximizaron as posibilidades de recoller firmas. As 200 firmas recolleronse en tres momentos e de forma rápida. A resposta da xente, salvo algunhas excepcións, foi moi boa. Tes moita razón. Nunca me imaxinei que a resposta dos bares ía ser tan agresiva tendo en conta que melloraría sesiblemente o seu espacio de traballo. Pode ser un problema de mal entendemento que terá que ser mellorado con accións de comunicación para iste sector.
12:20 PM
Lucía said...
Sobre a oposición dos bares que comentades, parece ser que sempre sucede así, que en todos os procesos deste tipo, de entrada, sempre se opoñen os comerciantes e despois están contentos. Eu tamén creo que gañarían moito, se vamos a esas terrazas a tomar algo é porque non hai outra cousa. Habería que decirllo. Porque realmente é moi desagradable ter os coches metidos nos morros. Por outra parte, no que toca ó parking na praza da Devesa (por certo: ¿Ten nome esa praza tan desgraciada?) podería ser una boa idea. Desde logo cada vez que miro para ela poñome mala...É tan fea que mete medo, tan de mal gusto, tan sin xeito, tan cutre .... se esa é a mostra do noso nivel estético é que o Castro caeu realmente nun abismo. Prefiro pensar que ese adefesio é soio un accidente, un error...
4:31 PM
Bautista Sotelo said...
Sí, Lucía, consultamos con otros lugares onde se levaron a cabo procesos similares e a oposición inicial dos comerciantes é a primeira nota, logo acaban sendo os máximos defensores cando lle collen gusto o tema. O exemplo de Pontevedra é un dos máis sonados. O centro de Pontevedra renaceu e agora é un lugar con moito encanto onde, xente que nunca iría, agora vai a pasear, a comer, a comprar etc.
10:01 PM
Anonymous said...
no me creo nada de esta gente del ayuntamiento de Castro Caldelas son unos mantas y de cultura nada,claro no son de aqui ninguno,estudios tienen pocos y les gusta mucho el dinero
10:15 PM
Anonymous said...
suerte Bautista pero no vas a lograr nada de lo contrario aqui me tienes para lo que quieras ,pero no estas aqui ,la gente joven de aqui ya perdimos la esperanza de conseguir nada los conocemos,solo los mueve el interes.Suerte
10:17 PM
Anonymous said...
Tenemos que cambiar a los que mandan aqui, ya es hora de que se vayan ya robaron bastante
10:19 PM
Alpha said...
Bautista: coa expresión "máis do mesmo" quero decir que poñer un aparcadoiro no Prado non soluciona o problema soamente o move uns metros.Sabes coma min que a Praza é a que dinamiza toda a vida social e económica do pobo e nin sequera estéticamente resulta aceptable , por non falarmos da contaminación sonora da que ninguén se lembra ( insufrible pola noite) En canto ó M.O.P.U. e a non ser que modificaran as normas , ata hai ben pouco non permitían ningún tipo de construcción ,obra ou modificación ás beiras da estrada. Como remate permíteme felicitarte polo teu blog ,e que tanto a ilusión coma ese puntiño de maravillosa utopía que amosades a savia nova non esmoreza xamais.
11:12 PM
Bautista Sotelo said...
Agradecería que se moderen os comentarios ca idea de construir en positivo. Decir que non son deiqui os políticos que nos gobernan e faltar a verdade. Penso que non debemos entrar a medir quen é máis deiqui o menos deiqui.
9:42 AM
Bautista Sotelo said...
O equipo do Osorio tivo momentos de moito empuxe e o que queremos, polo menos dende a asociación de amigos de caldelas, é alentar e animar para que o espiritu da primeira época volva a resurdir. Houbo decisións boas en temas culturais e noutros ambitos. Pasaron por épocas de aillamento. Un dos poucos concellos socialistas da provincia. Agora os ventos están a favor e hai que aproveitalos.
9:48 AM
Bautista Sotelo said...
Contesto ó que dí que non nos farán caso...Si formamos unha asociación con bastantes socios a nosa capacidade para levar a cabo iniciativas será importante, con independencia de si nos fan caso ou non. Queremos levar a cabo proxetos culturais e si o Concello nos apoia fantastico e si non nos apoia faremolas igual. Contamos contigo cando se formalice a asociación. Queremos convertirnos nun verdadeiro revulsivo contra decadencia que vive a nosa vila.
9:52 AM
Bautista Sotelo said...
Tes razón alpha. O óptimo sería saca-los coches da praza e preparlles un lugar perto da praza. ( a zona diante do Concello que suxería Osorio, a zona do murallón con acceso por as escadas, a zona dos terreos dos pilos, o terreo que se atopa o lado do Martín ou calquera outra solución). Opinar é facil, por iso sempre falamos dun plan de movilidade que o Concello encargue a un especialista e que poida ser debatido xa que poden atoparse boas solución pero de moito custe de execución. Ainda así unha iniciativa coma esta penso que podería lograr apoio económico extraordinario por parte do goberno da Xunta, si se sabe plantexar. Preguntarse que turismo cultural vai vir a vila, non axuda.  Si se puxera en valor a praza podería dinaminar, ainda máis a vida social e económica da vila. A contaminación sonora, como ti dis, agora é insoportable. Este espacio pasaría a ter un valor extraordinario que agora se desprecia. É certo que terían que seguir pasando os coches pola rúa de Ourense, pero a velocidades controladas e vixiando ós fitipaldis.  O Castro ten que deixar de ser un pobo carretera e pasar a por en valor os seus espacios centrais de comunicación e onde a xente disfrute do lecer con certa calidade. Esta idea por si soia, igual que noutros lado, será un forte revulsivo para outros visitantes.  Hai outro debate pendente que é o de si realmente a carretera pasando pola vila, aporta tanto a economía da vila. Dame a impresión que non hai estudos que ponderan orientarnos.   Graciñas polas túas felicitacións, por enriquecer o debate e polo teu apoio.
10:19 AM
Maite said...
Me gusta vuesta iniciativa pero no funcionaría sin no hay alguién que ponga multas y frene a los que se lucen delante del Rubio arrancando y frenando a gran velocidad.

PEATONALIZACION DO CASCO HISTORICO

2006-09-09T08:24:00.000+02:00

Pola calidade dos espacios públicos de Caldelas
Polo progreso da vila.

Amigos de Caldelas
Castro Caldelas (Ourense)
amigosdecaldelas.blogspot.com

Móvenos unicamente a idea de preservar e axudar a mellora-los espacios públicos da vila de Caldelas e o noso patrimonio histórico, cultural e natural. Queremos participar con iniciativas e ideas na mellora destes espacios, alentando e colaborando co Concello de Castro Caldelas.

Non somos unha organizació que aspire a ser unha opción política, soio queremos axudar no diálogo e alenta-lo debate. A preservación do patrimonio histórico e natural é de vital importancia para o futuro da vila de Caldelas. A crisis e decadencia do rural soio se ve compensada minimamente polo efecto do turismo cultural que acude a visitar esta importante vila medieval que debería loitar por ser, de feito, a capital da Ribeira Sacra.

Ca idea de mellora-lo espacio público para nós, para os nosos fillos e para os que a vila acudan,
solicitamos:

I INICIATIVA:
PEATONALIZACIÓN DA PRAZA E DO CASCO HISTÓRICO

Solicitamos o Concello a peatonalización das zonas da Praza do Prado e todo o casco histórico, permitindo unicamente o acceso de coches a veciños, hoteis, etc., para o que se deberá encargar a uns especialistas un plan de movilidade que ordene o acceso a estas zonas e procure o aparcamento dos coches e autobuses noutras zonas cercanas, intentando que esta iniciativa non perxudique os comerciantes da zona para o que se deberá consensuar con istes, propostas alternativas.

Xa é hora de que se poida pasear pola vila cos cativos sen risco de atropello. Xa é hora de que os coches non sexan o máis importante e que ó excepcional patrimonio co que conta esta vila se lle dé o valor que lle corresponde. Xa é hora de que tomemos exemplo de outras vilas que levan andado moito neste eido.

II INICIATIVA:
TRANSPARENCIA DAS ACCIONS URBANISTICAS QUE SE LEVEN A CABO

Solicitamos ó Concello que ante calquera iniciativa que se leve a cabo na modificación das Normas
Subsidiarias ou Plan Especial de Protección do Casco Histórico se informe a ciudadanía por todo-los
medios modernos (charlas, debates, conferencias, Internet, diarios locais, así como mediante
comunicación persoal a todo-los afectados).

III INICIATIVA:
PARQUE INFANTIL

Solicitamos a creación d’un novo parque infantil, un espacio más amplio para que os nenos
poidan xogar de maneira segura. A situación do actual é escasa e insuficiente para
unha vila coma a nosa.

COMENTARIOS:

Anonymous said...
Seria moi importante poñer orden na circulación no centro da Vila do Castro. Os coches circulan a velocidades tremendas, impùnemente. A Prazo do Prado, no verán, semella talmente un aparcadoiro. E ainda que os comerciantes teñan dúbidas, seguro que gañarían. Seria fantástico poder ter unhas terrazas máis amplias, para estar relaxadamente, sen agobios ni perigos. Agora non resulta nada agradable estar alí, sepultados polos coches, pendentes de non ser atropellados. E seria fantástico poder pasexar polo centro histórico sen riscos. Moitos pobos teñen experiencia nesto. Tratase de que pensen nun espacio adecuado pra deixar os coches, evidentemente non de que os prohiban. Seguro que o Castro gañaria moito. !E vital que os politicos se poñan as pilas! E que pensen con amplitud de miras.

1:07 PM
Anonymous said...
Cando ves tal caos e aglomeración de coches no centro da Vila, a pregunta é ¿Onde vai a xente?. E un misterio. Unha pregunta que se escoita continuamente na boca dos do pobo. Pero está claro que, ainda que estas aglomeracions principalemnte soio se producen durante as vacacions, e o resto do ano o Castro está deserto, a iniciativa de peatonalizar o centro é importante porque implica un cambio na dinámica do pobo, cambio que sería moi beneficioso. É necesario buscar un aparcamento cómodo e próximo, e a Praza do Prado ten que ser un espacio para a xente. Os coches non atraen ó turismo, non activan a economía. eso é unha idea superada. Se ves pola estrada de Trives, non coñeces o pobo, o que percibes é un caos. Entre os ultimos desastres urbanísticos e os coches, en vez de un precioso pobo medieval o Castro parece un área de servicio. Pero alguén, un profesional do urbanismo, que os hai, ten que pensar en como facelo, como ordenar todo e onde poñer o parking. !Moi boa iniciativa!

1:32 PM
Anonymous said...
Noraboa por isa iniciativa pero coido que non o vades a ter facil. Fai pouco participei noutras que logo queraron en nada.

11:17 AM
Bautista Sotelo said...
Sabemos que non é facil pero sen traballar tampouco se pode esperar a que as cousas muden por si soias. Todos temos a responsabilidade de facer algo para que as cousas melloren.

11:41 AM
Anonymous said...
Sodes moi ambiciosos. Eu conformabame con que se ordeara un pouco a praza.

1:05 PM
Anonymous said...
A praza non debería ser soio un aparcamento para o Grilo e o Rubio. Un aparcamento de carretera no que se para sen ningún orden. É unha praza fermosa que debería porse en valor e ter preferencia antes de nada as persoas.

2:05 PM
Anonymous said...
A quén se lle ocurriu a brillante idea de facer unha praza (estilo francés) fora do lugar habitual de reunión dos caldelaos.

2:48 PM
Bautista Sotelo said...
O bares da praza non deberian ver esta iniciativa como unha ofensiva contra eles. Hay que intentar que calquera decisión que se tome non perxudique a ningúnha industria importante para Caldelas. O progreso é para todos.

3:07 PM
Anonymous said...
Quen garantiza os comerciantes do prado que non se verian perxudicados si se peatonalizara a zona.

3:47 PM
Bautista Sotelo said...
Nos propoñemos na nosa iniciativa que o Concello encargue un estudio de mobilidade no que se poidan ter enconta todo-los problemas a resolver para evitar perxuicios os bares e comercios da praza. Eso significa ordenar a zona onde paran os autobuses, non botalos da praza. Ordenar onde se instalan os taxis, non botalos da praza. Habilitar alguns lugares para aparcar, perfectamente señalizados. Organizar o paso dos veciños e hoteis e en definitiva señalizar a través de diferentes medios os usos da praza, permitido a xente que poida usar ises espacios.

6:51 PM
Anonymous said...
Hoxe pola maña montouse un gran follon no acceso a rúa dos Pilos. Un coche aparcou invadindo parte do acceso e xeron unha acumulación de coches polos dous lados que querían pasar. A falta de señalización está a producir moitos conflictos entre os veciños.

6:56 PM
Anonymous said...
Noraboa polo traballo que estades facendo. Xa era hora de que alguén se dera conta do mal uso que se fai da praza pública.

9:20 PM
Anonymous said...
Apreciado Bautista: Comenzo felicitandote pola tua Bitacora e inda que no e un foro si que vexo neste tema algo de debate. Na Vila e no Concello do Castro de Caldelas o que fai falta e o debate. Perdemonos entre a desidia dos que Gobernan e a ignorancia da Oposición (incluidos os do BNG, sin representación no Concello). No casco historico da Vila os vehiculos son un, de entre os problemas que Iste padece, como seria a conservación do entorno, o falta de control o facer obras ( a pesar de estar regulado por lei), a despoboación (aqui e nos pobos), etc..(Iste tema da pa moito). Sumome gustoso a iniciativa de Amigos de Caldelas e que iste sitio feito con cariño por esta Terra sirva para sacala adiante.

1:33 AM
Anonymous said...
A parte do debate que tedes neste blog, entre a xente do pobo non se fala, dende hai días, doutra cousa. Outro día nunha xuntanza da asociación de amas de casa houbo opinións para todos os gustos. A que máis me gustou foi a de que unha que vive na carretera de Ourense, o lado do Hostal Pallon e que dixo:
"Pois moi ben, e cando vaia o Banco Pastor onde aparco...?

11:36 PM
Bautista Sotelo said...
Gracias pola túa felicitación e polo apoio a esta iniciativa. Pronto nos constituiremos en asociación e esperamos contar con persoas como tí que se den conta que o Castro non vive unha arcadía feliz e hora de mellora-las cousas. A nosa idea principal era promover accións culturais pero tendo en conta o estado no que se atopan algunhas cousas dimonos conta que había que comenzar por algunhas iniciativas que axuden a preserva-lo pobo e mellorar o seu uso.

8:03 AM
Bautista Sotelo said...
Fixome moita gracia a anecdota da muller que está preocupada, por onde vai aparcar, si vai ó Banco Pastor. Non me sorprendeu, o propio alcalde puxome un exemplo parecido. Si van os chapistas, dende transcastro, a tomar café ó Grilo e non teñen onde aparcar, que farán; Deixarán de vir...? A verdade, eu non ía preparado para unha lóxica deste tipo.

8:12 AM
Anonymous said...
Me sumo a la iniciativa. Mil disculpas por no hacerlo en gallego, pero no me manejo bien. Voy cada verano y quería contar, que hace un par de años casi me atropellan en la plaza, frente al Banesto, con una mota de esas de cuatro ruedas.

9:15 AM
Bautista Sotelo said...
Vivo na praza e non se me ocurre coller o coche para ir o Pallón a comer.

9:40 AM
Bautista Sotelo said...
Non pidas disculpas por escribir en castelán. Iste é un espacio aberto, cada quén que se comunique como poda ou queira.

10:10 AM
Anonymous said...
O outro día escoitei nun bar da carretera de Ourense que a iniciativa tiña a letra pequena en catalán.

4:34 PM
Anonymous said...
Noraboa pola iniciativa. A praza ten que deixar de ser un gran aparcamento para os bares. Espero que vós fagan caso.

4:44 PM
Anonymous said...
Noraboa pola iniciativa. A praza ten que deixar de ser un gran aparcamento para os bares. Espero que vós fagan caso.

4:44 PM
Xurxo Caneda said...
Noraboa por o teu blog e por iste debate que seguro enriquecerá as conversas nesta vila adormecida.Sumome a vosa iniciativa.

7:37 PM
Marta said...
Non sei si vós decatastes pero a maioría das aceras están ocupadas polos bares o que fai imposible o seu uso. Como se explica esto. Acaso pagan máis impostos o bares. Teñen licencia para poder ocupar as aceras.

11:06 PM
Uxía said...
Cal é a posición do bloque nesta iniciativa. Existe o Bloque no Castro. Quen son as persoas que o representan. Cales son as súas propostas.

9:47 AM
Bautista Sotelo said...
A verdade é que non contactei co Bloque local. Polo que sei é Nini (Hotel Cimadavila) a súa representante. Cando pusen en marcha a iniciativa non me atopei con ela para solicita-la súa firma. Puden ir a súa casa a visitala pero non o fixen con ninguén. Preferin traballa-la rúa.

4:02 PM
Bautista Sotelo said...
A verdade é que non contactei co Bloque local. Polo que sei é Nini (Hotel Cimadavila) a súa representante. Cando pusen en marcha a iniciativa non me atopei con ela para solicita-la súa firma. Puden ir a súa casa a visitala pero non o fixen con ninguén. Preferin traballa-la rúa.

4:02 PM
Tania said...
Las fotos muestran un pueblo atropellado. Que tengas suerte con esta iniciativa, Bautista.

8:43 AM
Anonymous said...
Desde luego que hay que peatonalizar el casco histórico y la plaza.

De esta necesidad, los usos se complementarán para que la calle principal reduzca la velocidad del tráfico y se genere a lo largo de su reccorrido una dinámica de sucesos y actividades que dote a Castro Caldelas de un Norte, de una dirección, de un reposo que ahora no tiene. Como dicen, es una localidad atropellada.

Con sumo gusto nos uniríamos a un grupo de trabajo multidisciplinar para una restructuración del conjunto.

Desde madrid.

8:05 PM
Bautista Sotelo said...
Gracias polo teu apoio. Imaxino que ainda que estás en Madrid algún interés terás en Caldelas. Non é facil que o Concello leve a cabo un estudio. É decir que faga unha comisión con xente do pobo ou que lle interese o pobo, na que se estudie a forma de facer esa peatonalización... Cando se formalice a asociación amigos de Caldelas faremos unha comisión que siga a traballar neste tema e gustaríanos contar contigo.

10:03 AM
paloma said...
This post has been removed by the author.

6:03 PM
Paloma said...
Son unha nena do Castro que necesitamos que xente coma vos pida cousas para nos . Pero quéroche comentar que cando eu era mais pequena a miña nai mais outras moitas nais do Castro levaron o concello moitas firmas para pedir para nos un parque como ese que hoxe pedides vos ; tamén aproveito para pedirvos que nos axudedes a ter unha piscina como a que teñen os municipios veciños, e moitas mais cousas vos pediría para nos . Grazas pola vosa iniciativa e sorte .

11:35 AM
Bautista Sotelo said...
Gracias Paloma por unirte o debate. Cando estiven recollendo firmas, moita xente faloume doutros problemas e doutras iniciativas, das que non eramos tan conscientes cando puxemos en marcha a nosa.
Temos a idea de constituir unha asociación (amigos de caldelas) para poder promover outras iniciativas e axudar a mellorar moitas cousas como as que tí propós. O tema da mellora do parque infantil xa ves o que constestou o noso alcalde. Esperemos que o reflexione é tome algunha decisión para mellora-la situación. A verdade que hoxe unha piscina de 20m x 10m pode valer uns 40.000 euros. Non debería ser un gran problema. Se o Concello non fai nada teremos que organizarnos para busca-los cartos.

11:52 AM
Marta said...
O outro día, cando estaba dando un paseo polo comercio novo e pola rúa que vai por baixo da casa de Don David, case non puden pasar, pola cantidade de cousas que teñen atrancadas os da ferretería. É normal esto...poden apropiarse da rúa, sen máis...?. Aplaudo a vosa iniciativa. Hai que ordenar a praza e limitar un pouco os abusos.

9:54 PM
Anonymous said...
Por que che molestan tanto os coches Bautista. Si tu viviras dun negocio que esta na plaza xa veriamos si pensabas igual.

12:32 AM
Anonymous said...
Polo espacio que hai diante do Banco Pastor casi non se pode pasar. A maioría das veces está todo espacio opcupado polas furgonetas e coches da ferretería. Cal é razón desta permisividade.

12:43 AM
Bautista Sotelo said...
Non entendo cales son os perxuicios da peatonalización. Gustaríame que alguén nolos explicara. Eu vexo soío beneficios pola porta en valor da praza o que redundará en máis visitantes. É decir máis demanda distes espacios.

9:04 AM
Xurxo Castro said...
Medo o descoñecido. Ignorancia. Os das bicas pensan que xa non controlaran os conductores. Esa guerra que se tran entre os dous vendedores de bicas.

10:30 PM
Anonymous said...
Siempre veño as festas. Non falto, pase o que pase. Querovos comentar que me parece moi ben o que pedides. Tedes que facer que saquen os coches electricos da praza. Estropea moito as fiestas. Perdón por o meu gallego.

11:30 PM
Bautista Sotelo said...
Tés razón, o trasto dos coches eléctricos eclipsa a festa. Teño falado con moita xente. Din que son os que pagan gran parte da festa. O ano pasado fun as festa logo de varios anos sen poder acudir e foi moi decepcionante para mín e para miña familia. Decidin non voltar nesas datas. Unha gran desilusión. Iste ano din 35 euros que me puxeron de cuota pero para o ano penso empregalos en algo mellor.

10:00 AM
Anonymous said...
pasate hoy por la plaza en visperas de fiestas y verás a esos que nos mandan,de Monforte,Chantada, y alrededores que tienen la sensibilidad no se en donde, y verás como dejan que los coches,las colchonetas,las terrazas invadiendo el paso etc.etc.¿cuanto recaudan? pienso que mucho y las demas prebendas que obtienen las familias,esta es nuestra maravillosa plaza del prado y que decir del dia 8 de los Remedios,la procesion pasando por la plaza entre los pitidos de los cochecitos....te aseguro que yo tambien voy a dedicar mi dinero a otra cosa.

11:28 PM
Bautista Sotelo said...
Non entendo eso de ...esos de Monforte, Chantada e alrededores... agora, comparto contigo o mal uso que se fai da praza non día e entre dentro dos nosos obxetivos expor o concello e intentar convelos de que hai moita xente que nos gustaría que as cousas foran de outra maneira. Un saúdo.

12:57 PM
campos said...
e curioso que alguen que ten un negocio na praza pense que vai sair perxudicado por esta iniciativa (o medo dos que poñen os seus cartos no negocio e libre)
pero nos tempos que corren, nos que todo o mundo ten a posibilidade de viaxar e ver outras opcións non ten moito sentido este medo
son coñecidos moitos exemplos de actuacións en cascos históricos, un dos mais cercanos o archicomentado de allariz, unha vila apagada que gracias a intervención valente do seu concello transformouse de forma incrible, pero hay outos casos, ben perto do castro, entre o bierzo e a maragatería o pobo (ben pequeno por certo) de castrillo de los polvazares, onde non hay negocios que non sexan de restauración e relacionados co turismo, o lugar da famosa maruja, reina do cocido maragato e coñecida en todo o mundo pola veneración que lle prodiga o ben coñecido luis del olmo (pois ben, niste pobo non poden entrar os coches, hay que deixalos aparcados na entrada e camiñar
outro exemplo, o casco antigo da cidade de oviedo, peatonalizado non sin discusión, pero finalmente valorado por todo o mundo, outro mais, a plaza de maria pita na coruña, e todo o seu entorno, ó tráfico desapareceu por iniciativa do seu alcalde paco vazquez, exemplo de valentía na xestión da cidade, que con poucos apoios e en contra de moitos, conseguíu modificar unha cidade axfisiada na cidade moderna e de servicios que hoxe e a coruña, os que como eu fomos testigos da transformación da coruña perante os anos de xestion do paco vazquez dende o 82 ó 89 recordamos que as primeiras actuacións (praza de maría pita, avda. de alfonso molina... hasta a posta en marcha do paseo marítimo (proxecto discutido donde os haxa) foron sempre en contra de un gran clamor popular. Hoxe ninguén se recorda de aquel clamor, todo ó mundo bendice as obras do paco, habería moitos mais exemplos de que a peatonalización dun espazo non ten resultados negativos pra ninguén, pero tempo haberá para comentalos, o que o dude que lle pregunte os hosteleiros do casco histórico de pontevedra...
soio unha cousa mais para rematar esta entrada, cando puxemos en marcha ista iniciativa, ninguén pretendía perxudicar a naide, entendíamos que a posta en marcha do proceso corresponde ó concello, trátase por tanto dunha idea de algúns que vemos como o castro morre, e como o seu maior potencial (o turismo) non se protexe ¿será outra versión da pita dos ovos de ouro?

2:34 PM
Bautista Sotelo said...
Moi interesantes os exemplos de iniciativas parecidas noutros lugares.

2:58 PM
Anonymous said...
Hola Bautista,yo queria comentarte que ya que tenemos grandes intenciones con el casco viejo,la plaza del prado,los coches..¿y las edificaciones horrorosas en medio de nuestro querido y antes hermoso pueblo:escaparate de la ferreteria, edificios en ladrillo..cuando yo era pequeña corría a los escondites hasta los pilos, hoy no se ni por donde se va,todo es una mole de cemento mal hecho para esto no se necesitaba dinero de la xunta de galicia pero si una buena gestion de los que mandan ¿que interes había al destruir estos accesos?¿a quien benefició?.suerte seguiré conversando con vosotros y exponiendo mi punto de vista .

11:48 PM
Bautista Sotelo said...
Nos últimos 25 anos fixeronse moitas obras que son discutibles. Algún día deberíamos organizar unha conferencia dun bó arquitecto-urbanista para facer unha reflexión sobre o pasado recente, podería ser interesante para o futuro.

Polo menos eu, intento converter a memoria recente en material de traballo do presente.

Perdoa, pero non entendo a qué te refieres cando falas de cartos da Xunta ...u cando falas de accesos destruidos... poderías precisar un pouco máis.
Un saúdo e gracias por participar.

12:31 PM
Anonymous said...
E curioso que os promotores dista iniciativa no vivan habitualmente no Castro. Gracias por preocuparvos dos "probiños" que sufrimos todo o ano o acoso dos coches dos "toristas" na praza do prado. Felices Festas dos Remedios para todos.

1:06 AM
Bautista Sotelo said...
Sorprendeme que a alguén lle moleste que nos puxéramos en movemento. Entrar en quén é máis do Castro ou menos do Castro, non me paréce interesante para iste debate. Eu non menospreciaría as 200 firmas presentadas no Concello. Como xa dixemos, soio nos move o noso interés polo pobo. A praza é por igual do que vive en Vilanova, nas Carballeiras no Toural, do que tivo que emigrar e volta, ou do que ten alí unha industria. Sería interesante para o debate que expoñas os teus argumentos. Seguramente hai puntos que se nos escapan.

8:26 AM
Anonymous said...
non entendo qué queres transmitir con ise comentario, tal vez ti seas un probiño/a que non ten mais ambición que quedar como está, non creo que representes a moitos, soio hay que leer a maioria das entradas diste foro

9:03 PM
Bautista Sotelo said...
Hoxe fixose unha nota de prensa co resultado desta iniciativa e enviouse ós medios de Galicia. Esperemos que nos fagan un pouco de caso e esta iniciativa sexa visible noutros medios de comunicación.

12:19 AM
Bautista Sotelo said...
Parece que o tinglado dos coches electricos e todo o que o acompaña aporta as festas perto de 3000 euros e por esta cantidad sacrificase gran parte do espacio central do pobo. Dende o meu punto de vista iste tinglado empobrece as festas dos Remedios e axuda na decisión de non asitir iste ano, logo da mala experiencia do ano pasado.

8:39 AM
Marta said...
A verdade é que tes razón Bautista. Os coches eléctricos impiden disfrutar dun parte importante da praza e a contaminación acústica é insoportable. Eu tamén penso que o pobo está en mans de xente con muy pouca sensibilidade.

10:23 AM
Anonymous said...
É posible que un dia cheguemos o Castro e donde en algun día estivo unha gasolinera do Frade,ata o final da carretera de Trives, pareza que se entra en Comala. Un pobo de almas en pena.

2:12 PM
Bautista Sotelo said...
Si se aplicara a lóxica inmobilista que reacciona contra a nosa iniciativa, no caso da gasolineira do Frade que había onde aparcan, actualmente, os taxis, habería que facerse a seguinte pregunta; Porqué non se mantivo eí a gasolineira, con entradas e saídas, se total ise espacio para algunha xente é un aparcadoiro. Estaría ben saber o que dixo a xente no seu día. Ter que ir o final do pobo pra encher o depósito. Ises iluminados.

5:40 PM
Anonymous said...
pensando en otras fiestas de otros pueblos, en los últimos diez años se han retirado las ferias (coches de choques etc.) del casco urbano y han habilitado algún descampado para evitar ese problema del ruido. Creo que esta es otra propuesta que debemos hacer. Es una pena que nadie deje de ir a los Remedios por las bocinas de los feriantes.

8:14 PM